Në “Elbasan Arena” ngriti siparin sezoni me kryendeshjen mes Dinamos e Tiranës ku blutë e Di Biagio-s nuk arritën të merrnin pikë edhe pse kryesuan dy herë. 3-2 për Tiranën në fund të 90 minutave ku skuadrat reflektuan lodhje edhe për shkak të faktit që kjo ishte vetëm sfida e parë zyrtare.
Ndeshje e bukur në fushën e blertë ku organizatorët e nisëm me një gol të Kaçorrit i cili dha një shkëndijë të rëndësishme. Gjithsesi Tirana nuk e humbi busullën dhe Abazaj ishte frymëzues i aksioneve duke dhuruar një top të artë për Hilën që barazoi shifrat dhe i dërgoi skuadrat në dhomën e zhveshjes në paqe.
Gjithsesi, në pjesën e dytë skuadra e drejtuar nga Di Biagio mori masat dhe pa më shumë nga sulmi e në minutën e 55 Hoxhallari e largoi toin me dorë në këndore dhe sistemi VAR e dënoi duke i dhënë një penallti Dinamos që Denisson nuk e gaboi.
Gjithsesi, në krahun tjetër Prodani bëri një gabim me kontaktin ndaj Hasanit dhe pas konsultimit të kryesorit me sistemin VAR, u akordua penallti për Tiranën që u transformua në gol nga Liridon Latifi.
Në fund, Juxhin Xhaja akordoi një tjetër 11-metërsh për prekje të topit me dorë në zonën e Dinamos dhe Hasani nuk zhgënjeu, 3-2 për Tiranën që arriti një sukses shumë të rëndësishëm dhe i shkaktoi një humbje të papritur Dinamos që në mënyrë të pamerituar doli me zero pikë nga kjo sfidë.
