Lojtari i ri i Barcelonës, Lamine Yamal, vetëm 17 vjeç, po tregon talent të madh në fushë. Në ndeshjen e fundit kundër Espanyolit, ai shënoi një gol dhe dha një asist, duke ndihmuar Barcelonën të fitojë 2-0. Kjo fitore i siguroi Barcelonës titullin e 28-të kampion në historinë e saj.
Gjatë ndeshjes, mbrojtësi i Espanyolit, Kabrera, bëri një faull të rëndë ndaj Jamalit. Pas rishikimit me VAR, gjyqtari e ndëshkoi Kabrerën me karton të kuq.
Trajneri i Espanyolit, Manolo Gonzalez, nuk ishte i kënaqur me reagimin e Jamalit. Ai tha se lojtari i ri e teproi me mënyrën se si u rrëzua. “I thashë që të mos hidhej dhe të mos provokonte. Është lojtar shumë i mirë, por nuk ishte e nevojshme të rrëzohej ashtu,” tha trajneri.
