Donald Trump iu kthehet dhe u bën një pyetje të drejtpërdrejtë drejtuesve të Juventusit : " A do të kishit gra në ekipin tuaj?" Presidenti i Shteteve të Bashkuara shfrytëzon vizitën e Bianconerëve në Zyrën Ovale të Shtëpisë së Bardhë për të përsëritur vizionin e tij për pjesëmarrjen e personave transgjinorë në botën e sportit. Për disa çaste bie heshtje, pastaj Damien Comolli , drejtori i ri i përgjithshëm i klubit, merr fjalën dhe përgjegjësinë për ta nxjerrë delegacionin e Bianconerëve nga telashet duke folur për ekipin profesional dhe të nivelit të lartë, Juventus Women, i cili fitoi titullin e gjashtë disa muaj më parë.
"Ne kemi ekipin tonë të femrave që është shumë i fortë" , ishin fjalët e trajnerit i cili ia shpëton me një goditje nga këndi duke ia lënë topin manjatit. Dhe e rikthen atë në lojë duke u ndalur në një nga çështjet për të cilat interesohet shumë. "Sigurisht... dhe mendoj se nuk do t'i linit të luanin me ju! Djema, më tregoni çfarë mendoni" . Një tjetër situatë e ftohtë në të cilën heshtja është e vetmja gjë e mençur për të bërë duke marrë parasysh kontekstin, bashkëbiseduesin dhe temën delikate, meriton reflektime më të thella sesa një shkëmbim i thjeshtë shakash gjatë një vizite joformale. "Epo, po shoh që jeni diplomate..." , shton Trump i cili kalon në një koncept tjetër pasi ka bërë referenca për futbollistët amerikanë në skuadrën e Juventusit.
Lojtarët e mi amerikanë janë fantastikë" , thotë kreu i SHBA, i cili i habit të gjithë kur përmend edhe temën e imigracionit, një tjetër pikë e fortë e tij. "Njerëzit që vijnë këtu tek ne duhet ta bëjnë këtë ligjërisht. Si këta djem pas meje. Ata duhet ta duan Amerikën, nëse nuk e duan, ne nuk i duam" . Më pas ai iu përgjigj edhe disa pyetjeve të gazetarëve mbi konfliktin midis Iranit dhe Izraelit, një aspekt tjetër mjaft sureal: ai hipotezoi skenarë lufte me Shtetet e Bashkuara të përfshira drejtpërdrejt, ndërsa kishte Juventusin pas tij. "Nuk e di nëse do ta sulmoj Iranin. Por nuk mund t'i lejojmë ata të kenë armë bërthamore sepse e gjithë bota do të rrezikonte të shpërthente. Pavarësisht nëse duhet të luftojmë apo jo, nuk është diçka që mund ta lejojmë".
Juve doli në fushë natën dhe mundi Al Ain në ndeshjen e parë të Kupës së Botës për Klube. Pas ndeshjes, disa lojtarë rrëfyen përshtypjet e tyre për atë ndeshje. McKennie filloi, ndërsa Weah hyri nga stoli. "Të jesh në Shtëpinë e Bardhë, për herë të parë, mbetet diçka gjithmonë e mrekullueshme, por unë nuk jam dikush që merret me politikë, kështu që ishte pak e çuditshme. Mësuam në minutën e fundit se do të na priste Presidenti", pranoi Weah. /Liberale.al/
