Një vendim i rëndë është marrë nga UEFA ndaj klubit malazez Arsenal Tivat, i cili është përjashtuar nga të gjitha garat europiane për një periudhë prej 10 vitesh. Vendimi vjen pas akuzave serioze për trukimin e një ndeshjeje të zhvilluar në vitin 2023, gjatë pjesëmarrjes së klubit në Conference League në sezonin 2023/24.
Përveç përjashtimit afatgjatë, UEFA ka vendosur edhe një gjobë të majme prej 500 mijë eurosh ndaj klubit, duke dërguar një mesazh të qartë se manipulimi i ndeshjeve nuk do të tolerohet në asnjë formë.
Ky është një nga dënimet më të rënda të vendosura nga UEFA vitet e fundit, dhe vjen si pjesë e përpjekjeve të vazhdueshme për të mbrojtur integritetin e garave ndërkombëtare dhe për të ndëshkuar çdo formë korrupsioni apo trukimi në futboll.
