Mirlind Daku ka filluar sërish të shënojë gola rregullisht dhe së fundmi ka realizuar në dy ndeshje radhazi për ekipin e Rubin Kazan.
Në ndeshjen kundër Khimki, që u zhvillua jashtë fushe, sulmuesi shqiptar u tregua sërish i saktë para portës. Edhe pse Khimki kaloi i pari në avantazh, Daku reagoi shpejt. Në minutën e 12-të, ai mori një pasim nga e majta, shmangu pozicionin jashtë loje dhe, i vetëm me portierin, e dërgoi topin në shtyllën e largët duke barazuar rezultatin.
Ky ishte goli i 13-të për Dakun në këtë sezon në Premier Ligën ruse. Ai është golashënuesi i dytë më i mirë deri tani, pas Manfred Ugalde të Spartak Moskës që ka shënuar 16 gola. Përveç golave, Daku ka dhënë edhe 6 pasime për gol (asiste).
