E ardhmja e Lionel Messit në Inter Miami mbetet në pikëpyetje, ndërsa kontrata e tij me klubin amerikan skadon në fund të vitit 2025. Ende nuk është arritur një marrëveshje për rinovimin, duke lënë tifozët në pritje të vendimit të sulmuesit argjentinas.
Drejtori i komunikimit të MLS, Mahonry Mendoza, në një intervistë për median saudite Al-Riyadiyah, ka dhënë disa detaje lidhur me situatën. Ai u shpreh se e ardhmja e Messit do të vendoset në bashkëpunim me menaxhmentin e Inter Miami, teksa bashkëpronari i klubit, Jorge Mas, shprehu optimizëm për vazhdimin e bashkëpunimit edhe në sezonin 2026.
Pavarësisht këtij optimizmi, ende mbetet për t’u parë nëse ylli argjentinas do të zgjasë qëndrimin e tij në Major League Soccer apo do të kërkojë sfida të reja në karrierë. Tifozët mbeten me sytë nga Inter Miami dhe Messi, duke pritur një lajm zyrtar për të ardhmen e futbollistit legjendar.
