Tirana vijon të lëvizë fuqishëm në merkato, duke shtuar një tjetër emër premtues në radhët e saj. Klubi bardheblu ka zyrtarizuar afrimin e mesfushorit të ri Kleandro Lleshi, i cili prej ditës së sotme është pjesë e ekipit të parë.
Lleshi shihet si një lojtar me potencial të madh, me cilësi të spikatura teknike dhe disiplinë të lartë taktike. Ai do t’i bashkohet menjëherë skuadrës në fazën përgatitore dhe pritet të jetë një nga pikat e forta të mesfushës bardheblu në sezonin e ri.
Në njoftimin zyrtar, KF Tirana thekson se afrimi i Lleshit është pjesë e një strategjie të qartë për ndërtimin e një grupi të fortë dhe konkurrues, që do të synojë objektiva të rëndësishëm si në kampionat ashtu edhe në arenën ndërkombëtare.
Ky është një tjetër hap konkret në ndërtimin e skuadrës për sezonin 2025/26, pas afrimeve të mëparshme si Tsotne Patsatsia, Tebekou dhe portieri Angelo Tafas.
