1

Foto/ Zbulohet varri me arkitekturë monumentale në Amantia

               Publikuar në : 10:13 - 24/06/21 liberale
Ka përfunduar gërmimi për zbulimin e gjithë  strukturës arkitektonike të varrit monumental në parkuan arkeologjik të Amantias. Lajmin e ka dhënë Drejtoria Rajonale e Kulturës Kombëtare, Vlorë, e cila informon se gërmimet kanë zgjatur për një periudhë 2 mujore dhe se rezultatet e gërmimit janë ende në fazë studimore.
“Varri, i cili i përket tipit të mbular me qemer është një ndër ekzemplarët e rrallë të këtij tipi, që i ruan pothuajse të gjithë elementët arkitektonik. Përmasat e mëdha, veçoritë në elementët e ndërtimit, si dhe veçoritë në elementët e mbulimit i japin monumentit vlera unikale.
Falë kësaj ndërhyrje, monumenteve të shumta dhe unikale të parkut arkeologjik të Amantias i shtohet tashmë edhe një tjetër pikë e vizitueshme në itinerarin turistik. Rezultatet e procesit të gërmimit dhe dokumentimit janë ende në fazë studimi nga specialistët përkatës, kështu që për kronologjinë e ndërtimit të varrit monumental mund të propozohet vetëm një datim paraprak, i cili mendohet që daton rreth shek. III p.Kr”, thuhet në njoftim.
Qyteti ilir i Amantias me parkun e tij arkeologjik, është dëshmi e historisë së vjetër të bregdetit të Jonit.
Disa nga rrënojat e tjera të qytetit antik përfshijnë Tempullin e Afërditës, Portën me hark, Varret monumentale etj. Nga një qytet me peshë, Amantia nisi ta humbiste pozicionin e saj pas ndërtimit të Rrugës Egnatia.
Ajo përmendet gjithësesi si një qendër peshkopate në antikitetin e vonë, dhe mund të dallohen dhe rrënojat paleokristiane të një bazilike. Si periudhë e braktisjes së qytetit mësohet të ketë qenë shekulli i VI pas Krishtit.
Parku arkeologjik i Amantias gjendet në zonën e Labërisë, në fshatin Ploç të Vlorës.
<
>
204203643_641335857263284_1926049063171577296_n 205761101_641335990596604_278581484409944749_n 206266238_641335833929953_1385395226487265539_n 201826312_641335800596623_5120033875282279662_n 202658371_641336040596599_7082556011199771320_n 204203643_641335857263284_1926049063171577296_n (1) 204751957_641336010596602_8406630201829296164_n 205290714_641335767263293_2371356893889504607_n 205342453_641335873929949_3795466677049297435_n 205351578_641335937263276_926118603758938832_n 205618678_641335907263279_7770780557565641706_n

Tags: , ,


KOMENTO (0)

Shkruaj nje koment

Your email address will not be published. Required fields are marked *

* *

Back