Tre shkencëtarët, Pierre Agostini, Ferenc Krausz dhe Anne L’Huillier kanë fituar çmimin Nobel të fizikës 2023 për “metodat eksperimentale që gjenerojnë impulse drite autosekondë për studimin e dinamikës së elektroneve në materie”.
Çmimi, i cili është shpallur në kryeqytetin suedez Stokholm ditën e sotme, është Nobeli i dytë i sezonit pas Çmimit Nobel 2023 në Fiziologji ose Mjekësi të shpallur ditën e djeshme.
Ndërsa çmimet për kiminë, letërsinë dhe paqen do të jepen të mërkurën, të enjten dhe të premten në Stokholm. Më 9 tetor do të shpallet çmimi për ekonomi.
Ndërkohë shuma e çekut për këtë vit është rreth 1 milionë dollarë.
