Rina Maloku është ftuar nga hetuesit e Policisë së Kosovës për të dhënë dëshminë e saj lidhur me rrethanat e dyshimta të vdekjes së Festim Isufit.
Sipas informacioneve thuhet se bashkëshortja e të ndjerit po merret në intervistë me urdhërin e prokurorit i cili po merret me çështjen.
Media ka kontaktuar edhe Policinë e Kosovës nëse është arrestuar Rina Maloku për rastin e të premtes.
Zëdhënësi i PK-së, Agron Borovci ka deklaruar se nuk ka ndonjë informacion rreth kësaj.
Rasti është nën hetime në drejtim të veprës “Hetim mbi vdekjen”.
Festim I. u gjet pa shenja jete në banesën e tij pasditën e të premtes në afërsi të Rrugës B në Prishtinë.
Vdekja e tij u konstatua nga një ekip mjekësor në vendin e ngjarjes, tha Prokuroria Themelore në Prishtinë të hënën.
Policia tha të shtunën se viktima dyshohet se fillimisht e ka therur me thikë bashkëshorten e tij Rina Malokun dhe “më pas e ka goditur veten”.
Mediat raportuan të premten se rasti ishte denoncuar nga një ordinancë mjekësore në afërsi të banesës ku jetonte çifti, pasi Maloku kishte kërkuar ndihmë mjekësore aty.
