Presidentja e Kosovës, Vjosa Osmani, ka reaguar pas tragjedisë në Koçan të Maqedonisë së Veriut, ku shpërthimi i një zjarri në një diskotekë kanë humbur jetën të paktën 51 persona dhe janë lënduar qindra të tjerë.
Përmes një postimi në X, Osmani ka shkruar se kjo është një tragjedi e tmerrshme, duke theksuar se humbja e kaq shumë jetëve të të rinjve është një dhimbje e thellë që është e pa përshkruar me fjalë.
Ajo shprehu ngushëllimet e saj më të sinqerta për familjet e viktimave dhe ofroi solidaritet për popullin e Maqedonisë së Veriut, duke theksuar se ata janë në mendimet dhe lutjet e saj.
