Akropoli do të qëndrojë i mbyllur të martën, për shkak të temperaturave shumë të larta që kanë përfshirë Greqinë ditët e fundit.
Ishte Ministria e Kulturës në Greqi që njoftoi se monumenti i njohur në Athinë do të mbyllet nga ora 13:00 deri në 17:00, sipas kohës lokale.
Temperatura deri në 42 gradë Celsius priten të martën në disa pjesë të Greqisë, ndërsa për disa rajone është shpallur alarmi i nivelit katër për zjarre – që nënkupton rrezik shumë të lartë.
Zjarre tashmë kanë shpërthyer edhe në vende të tjera të Europës, si Franca dhe rajoni i Katalonjës në Spanjë, pak javë pasi këto zona u përballën me një valë të të nxehtit që shkaktoi edhe viktima.
Mbyllja e Akropolit sot kur në qytet priten temperatura deri në 38 gradë Celsius, por kjo nuk ndodh për herë të parë.
I nxehti ekstrem e ka detyruar mbylljen e këtij atraksioni të njohur turistik edhe në muajin qershor, edhe në korrikun e kaluar.
Autoritetet greke thanë se mbyllja bëhet për “sigurinë e punëtorëve dhe vizitorëve” në këtë vend, i cili vizitohet nga dhjetëra mijëra njerëz çdo ditë.
