Aktivistja e njohur për mjedisin dhe të drejtat e njeriut, Greta Thunberg do të jetë sot e pranishme në protestën në mbështetje të Palestinës që do të mbahet në Tiranë.
Tubimi paqësor do të zhvillohet në orën 18:00, në sheshin "Skënderbej".
"Urgjente. Ndalo urinë. Lejo ushqimin, lejo jetën. Protesto me Greta Thunberg", shkruhet në posterin e shpërndarë nga Lëvizja për të Drejtat e Njeriut dhe Paqen Ndërkombëtare "Solidariteti Albania".
Aktivistja është shprehur përmes një videoje se duhet të bëhemi bashkë për t'i dhënë fund pushtimit të paligjshëm izraelit në Rripin e Gazës.
