Kryebashkiaku i Tiranës, Erion Veliaj, raportohet se ka lënë qelinë e tij në burgun e Durrësit ditën e sotme dhe u paraqit në ambientet e SPAK, ku u mor në pyetje nga prokurorët e çështjes.
Burime për mediet bëjnë me dije se Veliaj u mor në pyetje në cilësinë e personit nën hetim, ndërsa qëndroi në SPAK rreth 1 orë e 30 minuta.
Burime për gazetaren Klodiana Lala, thanë se Veliajt i janë komunikuar dyshime për një akuzë të re për futjen e sendeve të ndaluara në qelitë e paraburgimit.
Ai u pyet në prani të avokatëve të tij, Ermir Beta dhe Artur Selmani, të cilët po ndjekin nga afër çdo hap të procesit ligjor.
