Lendjon Ndoj është arrestuar nga policia e Lezhës, pasi pasditen e së martës plagosi me armë zjarri 30 vjeçarin Egzon Gega.
Mësohet se i plagosuri ka marrë dy plumba, një në shpatull dhe një në gjoks.
Sipas policisë, 30 vjeçari dhe autori kishin pasur një konflikt mes tyre dhe ishin rrahur para ngjarjes. Pasditen e së martës, Egzon Gega, kishte shkuar për t’u sqaruar me të riun me të cilin është zënë, por pas takimit, është qëlluar menjëherë me armë zjarri pistoletë duke mbetur i plagosur rëndë.
Policia ka sekuestruar telefonin e 30 vjeçarit të plagosur për të parë nëse ka pasur komunikime mes tij dhe autorit që mund të hedhë dritë mbi motivet e kësaj ngjarjeje.
