Shefi i Komisariatit të Lezhës, Agim Hoxha, është vënë nën hetim nga Agjencia e Mbikëqyrjes Policore sepse dyshohet se ka ngacmuar një vartëse.
Një agjente krimesh, ka njoftuar AMP, se një mbrëmje kur ajo ishte në shërbim, shefi i komisariatit ka shkuar i dehur në zyrë dhe ka kërkuar sqarime për punën.
Po ashtu, Hoxha u konstatua nga kolegët nën efektin e alkoolit duke udhëtuar nga Lezha në Tiranë.
Agjencia e Mbikëqyrjes Policore vazhdon hetimet, ndërsa nuk ka dalë ende në njoftim zyrtar.
