Më 26 maj 2025, në një operacion të përbashkët ndërkombëtar mes Interpolit të Ekuadorit dhe atij të Abu Dhabit, u arrestua Dritan Gjika, 47-vjeçari shqiptar i dyshuar si drejtues i një organizate kriminale të trafikut të drogës dhe pastrimit të parave.
Gjika kishte dy Njoftime të Kuqe nga Interpol për trafik droge, pastrim parash dhe krim të organizuar. Ai kishte ardhur në Ekuador në vitin 2009 dhe ishte bërë një nga krerët e mafias shqiptare që operonte në Ekuador dhe Spanjë, duke dërguar drogë në vende të ndryshme të Amerikës Qendrore dhe Evropës.
Rrjeti i tij kriminal përfshinte njerëz të ndryshëm që ndihmonin në trafikun dhe pastrimin e parave, madje edhe punonjës në portet detare që ndihmonin të fshehnin drogën në kontejnerë.
Në shkurt 2024, Gjika u identifikua zyrtarisht si kreu i këtij rrjeti, pas një bastisjeje në qytetin Guayaquil në Ekuador.
