Një 38-vjeçar shqiptar ka humbur jetën në një aksident teksa po tentonte ti arratisej policisë italiane. Ngjarja e rëndë ndodhi mbrëmjen e së shtunës në Nettuno, afër Romës. Ndërkohë viktima është identifikuar Arbër Meçaj.
Ai humbi jetën pas një aksidenti teksa po i arratisej patrullës së policisë. Patrulla ndoqi makinën një Fiat Cinquecento, e cila hyri në një rrugë të dëmtuar dhe pa asfalt. Në këtë moment, një pluhur i madh u ngrit dhe patrulla ngadalësoi për shkak të dukshmërisë të dobët. Makina vazhdoi udhëtimin, dhe përfundoi duke u përplasur me një shtyllë telefoni dhe u rrotullua.
Nga automjeti, sipas hetimeve të autoriteteve, doli një çantë e madhe në të cilën u gjetën 23 paketa me gjithsej 25 kg kokainë. Policia iu afrua për të ofruar ndihmë, por për shqiptarin nuk bëhej më dot asgjë pasi kishtë ndërruar jetë.
