Pas vdekjes tragjike të stilistit të njohur Festim Isufi, rrjetet sociale janë mbushur me komente, mes dhimbjes dhe akuzave. Një pjesë e përdoruesve kanë drejtuar fjalë të rënda ndaj partneres së tij, Rinës, e cila mbeti e plagosur gjatë asaj që dyshohet të ketë qenë një konflikt i rëndë mes çiftit.
Në mbrojtje të saj ka dalë mikja e afërt, Gresa Gashi. Përmes një postimi në Instagram, Gresa ka reaguar ashpër ndaj gjykimeve dhe komenteve që sipas saj janë të padrejta dhe të rrezikshme.
“A jeni more normal, çfarë populli i mbrapshtë!” – shkruan ajo, duke shtuar se ndien detyrë morale të flasë për mikeshën e saj, e cila ndodhet në një gjendje të rëndë shpirtërore.
Sipas Gresës, Rina ka qenë mbështetja më e madhe për Festimin në periudhën e fundit të jetës së tij, kur ai po kalonte një kohë të vështirë si emocionalisht ashtu edhe financiarisht.
“Rina është mundu me mish e shpirt në çdo situatë për burrin e saj,” shkruan Gresa, duke e përshkruar atë si një vajzë të ndjeshme, të mirë dhe të përkushtuar.
