Në qendrën e votimit të ngritur në burgun e Durrësit, ku votuan disa figura politikanësh si: Erion Veliaj, Lefter Koka, Alqi Bllako dhe Ilir Beqaj, është konstatuar një parregullsi gjatë numërimit të votave.
Sipas burimeve zyrtare bëhet me dije se në kuti janë gjetur dy fletë votimi më shumë sesa numri i votuesve të regjistruar.
Dhe për këtë arsye, kutia e votimit është pezulluar dhe votat nuk janë përfshirë në rezultatin përfundimtar.
Komisioni Qendror i Zgjedhjeve (KQZ) pritet të dalë me një vendim përfundimtar, në lidhje me vlefshmërinë e votave në këtë qendër votimi.
