Policia e Lezhës ka arrestuar një 28-vjeçar, i cili ishte shpallur në kërkim ndërkombëtar nga autoritetet e Kosovës.
I riu, me inicialet K. H., banues në fshatin Rrilë të Lezhës, ishte i kërkuar nga Gjykata Themelore e Prizrenit, e cila kishte lëshuar më 12 maj 2025 urdhrin për “arrest në burg”, pasi dyshohet se ka kryer veprën penale “vjedhje e rëndë”.
Operacioni u realizua nga specialistët e Hetimit të Krimeve në Komisariatin e Policisë Lezhë, në bashkëpunim me Forcat e Posaçme “Shqiponja”.
Aktualisht, Interpol Tirana dhe autoritetet kosovare po ndjekin procedurat për ekstradimin e tij drejt Kosovës.
