Thyhet palma në bulevardin “Epidamn” në Durrës.
Palma që ndodhej në trotuar është rrëzuar papritur në mes të rrugës, duke rrezikuar seriozisht jetën e kalimtarëve apo drejtuesve të mjeteve, por fatmirësisht nuk ka prekur askënd.
Të vetmet që janë dëmtuar, kanë qenë dy automjete të parkuara.
Ndërkohë rruga është bllokuar dhe forcat e policisë që po punojnë për menaxhimin e devijimit të drejtuesve të automjeteve nëpër rrugët e tjera, teksa pritet edhe zhvendosja e palmës së thyer.
Ky nuk është rasti i parë, pasi po në të njëjtin bulevard është rrëzuar një tjetër palmë pak kohë më parë kur qyteti i Durrësit u përfshi nga moti i keq, ndërkohë që edhe në zona të tjera ka pasur rrëzime palmash e pemësh.