Një aksident i rëndë ka ndodhur ditën e sotme në aksin rrugor Fier-Lushnje, në vendin e quajtur "Kryqëzimi i Vajkanit".
Një kamion është përplasur me një ambulancë, duke shkaktuar plagosjen e katër personave.
Dy prej të plagosurve ndodheshin në ambulancë dhe janë transportuar me urgjencë drejt Spitalit Rajonal Fier për ndihmë mjekësore. Në vendngjarje kanë mbërritur menjëherë ekipet e policisë dhe të emergjencës, të cilët po punojnë për zbardhjen e shkaqeve të aksidentit.
Për shkak të bllokimit të rrugës, ka pasur radhë të gjata automjetesh. Grupi hetimor është duke kryer veprimet e nevojshme për të sqaruar detajet e ngjarjes.
