Një ngjarje e rëndë raportohet se ka ndodhur në ujërat detare shqiptare.
Burime për mediat bëjnë me dije se Policia Kufitare, gjatë një patrullimi rastësor në zonën e Durrësit, ka gjetur të pajetë në det një turist të huaj, ndërsa një tjetër ndodhet në gjendje të rëndë për jetën.
Dhe menjëherë pas konstatimit, forcat policore i kanë nxjerrë në breg, ku trupi i turistit, shtetësia e të cilit ende nuk dihet, është dërguar në morg, ndërkohë që turisti tjetër është nisur menjëherë drejt spitalit të Durrësit, ku ndodhet në gjendje të rëndë.
Sipas të njëjtave burime, mësohet se shtetasit e huaj nuk kishin me vete mjete identifikuese, ndërkohë që policia është duke punuar për zbardhjen e plotë të kësaj ngjarjeje të rëndë.
