Policia e Tiranës ka arrestuar një 32-vjeçar me detyrë inxhinier dhe ka shpallur në kërkim administratorin dhe teknikun e një firme ndërtimi.
Sipas autoriteteve ata janë përgjegjës për humbjen e jetës së punëtorit nga Bosnje Hercegovina ditën e djeshme.
“Arrestuan shtetasin D. H., 32 vjeç, me detyrë inxhinier i një firme ndërtimi, si dhe shpallën në kërkim shtetasit E. K., 34 vjeç, me detyrë administrator i firmës, dhe R. J., 75 vjeç, me detyrë drejtues teknik, pasi dyshohet se si pasojë e shkeljes së rregullave të mbrojtjes në punë, ditën e djeshme ka rënë nga lartësia e një pallati në ndërtim shtetasi i huaj V. N., 47 vjeç, i cili për pasojë ka humbur jetën. Punohet për kapjen e dy shtetasve të shpallur në kërkim”, njofton policia.
