Parlamenti do të zhvillojë sot seancën e radhës, ku në rendin e ditës janë parashikuar për diskutim dhe votim disa projektligje. Ndër temat më të rëndësishme që do të diskutohen janë legalizimi i kanabisit për qëllime mjekësore si dhe projektligji për studentët e mjekësisë.
Sipas këtij projektligji studentët e mjekësisë do të duhet të punojnë brenda vendit, për pesë vite pas përfundimit të studimeve që të pajisen me diplomë. Sipas qeverisë kjo bëhet me qëllim që të parandalojnë largimin e mjekëve të rinjë nga Shqipëria.
Por studentët kanë e kanë kundërshtuar vazhdimisht këtë nisëm të qeverisë. Gjithashtu edhe opozita e ka kundërshtuar si projektligjin për studentët e mjekësisë po ashtu edhe atë të kanabisit mjekësor.
Ndërkaq, ish-kryeministri Sali Berisha paralajmëroi se do të kërkojnë në Parlament që të zhvillojnë interpelancë me kryeministrin për inceneratorët.
Konferenca e kryetarëve që u mblodh dy ditë më parë i rrëzoi kërkesat e opozitës për interpelancë urgjente me kryeministrin për inceneratorët.
