France Football ka njoftuar se ceremonia e ndarjes së Topit të Artë për vitin 2025 do të zhvillohet më 22 shtator, në Teatrin Chatelet të Parisit.
Këtë vit, çmimi i famshëm do të vijë me disa ndryshime. Sipas gazetës L’Équipe, janë përditësuar kriteret që do të merren parasysh për të shpallur fituesin.
Më parë, Topi i Artë vlerësonte performancën individuale, ndikimin në ndeshje dhe stilin e lojës. Tani, kriteret janë:
Performanca personale dhe ndikimi në lojë
Suksesi me ekipin (titujt e fituar)
Sjellja sportive dhe loja e ndershme
Vitin e kaluar, Topin e Artë e fitoi Rodri nga Manchester City, duke befasuar shumë, pasi favorit ishte Vinicius Jr.
Disa nga emrat më të përmendur si kandidatë janë: Mohamed Salah, Ousmane Dembele, Lautaro Martinez, Raphinha dhe talenti i ri i Barcelonës, Lamine Yamal.
