Trajneri i Manchester Cityt, Pep Guardiola, ka komentuar situatën aktuale të skuadrës, duke pranuar se ekipi është tepër i ngarkuar me lojtarë dhe se pritet të ketë lëvizje gjatë merkatos.
Në një deklaratë për mediat, Guardiola tha:
“Kemi një skuadër të ngarkuar dhe do të shohim se çfarë do të ndodhë. Është e vështirë. Nuk kam asnjë ide për momentin. Do të flasim me klubin dhe me vetë lojtarët për të parë se cilat do të jenë shkurtimet.”
Tekniku spanjoll theksoi se pas pushimeve të shkurtra, ekipi do të rikthehet për të nisur përgatitjet për sezonin e ri të Premier League, i cili parashikohet të jetë shumë i gjatë dhe me sfida të shumta.
“Do të pushojmë, do të kthehemi në ditët në vijim dhe do të fillojmë Premier League. Sezoni do të jetë shumë i gjatë dhe shumë gjëra mund të ndodhin. Ky është realiteti,” u shpreh Guardiola.
