Kanë fituar ndeshjet e javës së 21 në Superiore tre ekipet kryesuese, Partizani, Dinamo dhe Vllaznia. Fitore spektakolate arriti Vllaznia ndaj Skënderbeut, 4-0 me tri gola të realizuar nga Bekim Balaj.
Partizani fitoi në Durrës dhe Dinamo në Elbasan. Pas ndeshjes Elbasani- Dinamo, policia ka shoqëruar disa persona të përfshirë në konflikt, ndërkohë që raportohet edhe për një tifoz të lënduar.
Ndeshja e Kategorisë Superiore mes Dimanos dhe Elbasanit është shoqëruar me tensione dhe dhunë mes dy tifozerive, pas përfundimit të ndeshjes 3 me 1 për Dinamon.
Ashtu siç ndodh rëndon në shkallët e stadiumeve, tifozët kanë shkatërruar edhe stolat gjatë ndeshjes.
Policia ndërkohë ka sekuestruar pamjet filmike për të identifikuar personat e përfshirë në përplasjet e dhunshme në stadium.
Kaosi mes tifozëve nisi në pjesën e dytë pas golit të dytë të shënuar nga Dinamo. Takimi mes Dinamos dhe Elbasanit vlen për javën e 21 të kampionatit.