Seanca e sotme në Komisionin e Pavarur të Kualifikimit, ku u mësua vendimi për shkarkimin nga detyra të prokurorit Ervin Karanxha, është shoqëruar me tensione.
Vendimi i dhënë nga trupa e gjyqtarëve ka shkaktuar debate dhe avokatët e prokurorit janë nxjerrë jashtë nga efektivët e Gardës së Republikës.
Trupa gjykuese përbëhej nga Etleda Çiftja, Valbona Sanxhaktari dhe Pamela Qirko.
Ndërkohë, sot prokurori dhe avokatët e tij janë paraqitur në seancë, për të cilën pretendonin se do të ishte dëgjimore dhe jo për shpalljen e vendimit nga KPK.
Ervin Karanxha ka përfunduar studimet në Shkollën e Magjistraturës në vitin 2003 dhe u emërua prokuror në Prokurorinë e Tiranës, ku ushtronte funksionin prej gati dy dekadash.
[gallery columns="1" size="full" gss="1" ids="1206688,1206689,1206690,1206691,1206692,1206693"]
