Një zjarr me përmasda masive ka përfshirë mesditën e sotme kodrat me ullishte në Zhupan të Fierit, në vendin e quajtur “Takodrom”.
Burime nga vendngjarja bëjnë të ditur se flakët që janë përhapur me shpejtësi të favorizuara nga era, janë pikasur nga banorët e zonës, të cilët kanë njoftuar menjëherë shërbimet zjarrfikëse.
Dy mjete kanë mbërritur menjëherë në vendngjarje por ndërhyrja është e pamundur për shkak të terrenit të vështirë.
Deri më tani është djegur një sipërfaqe e konsiderueshme me bimësi, shkurre e ullinj, por fatmirësisht banesat ndodhen larg.
