867 mijë vizitorë kanë eksploruar bukuritë e zonave tona të mbrojtura, vetëm në 4 muajt e parë në vendin tonë. Kështu shprehet kryeministri Edi Rama, i cili ka ndarë shifrat pozitive.
Kreu i qeverisë, thotë se kjo shifër është 60 mijë më e lartë krahasuar me të njëjtën periudhë një vit më parë.
"Vetëm në katër muajt e parë të këtij viti, 867 mijë vizitorë kanë eksploruar bukuritë e zonave tona të mbrojtura – 60 mijë vizitorë më shumë se në të njëjtën periudhë të vitit të kaluar
Nga liqenet alpine te lagunat, nga pyjet shekullorë te Vjosa, lumi i fundit i egër në Europë, Shqipëria po bëhet gjithnjë e më shumë destinacioni i preferuar për dashamirësit e natyrës dhe aventurës."- shkruan Rama.
