Barcelona ka regjistruar një fitore bindëse në miqësoren ndaj Vissel Kobe, të luajtur në Noevir Stadium në Japoni, duke triumfuar me rezultatin 1-3.
Golin e parë për katalanasit e realizoi Eric Garcia, ndërsa vendasit barazuan shpejt me Miyashiro, duke mbyllur pjesën e parë me shifrat 1-1.
Në fraksionin e dytë, Roony Bardghji dhe Marc Guiu Fernandez shënuan dy herë për Barcelonën, duke i dhënë trajnerit të ri Hansi Flick fitoren e parë në stolin e kampionëve të Spanjës.
Kjo ishte një provë e rëndësishme për skuadrën që po përgatitet për sezonin e ri, nën drejtimin e Flick, i cili po eksperimenton me kombinime të reja në formacion.
Ndeshja e radhës për Barcelonën është programuar më 31 korrik, ku do të përballen me FC Seoul në Korenë e Jugut, në kuadër të turit aziatik.
Në miqësoret e tjera, Arsenali mposhti Newcastle United me rezultatin 3-2, në një sfidë të fortë që tregoi formën premtuese të “Topçinjve” para sezonit të ri të Premier League.
