Një ngjarje e rëndë ndodhi në qytetin e Vlorës mbrëmjen e djeshme në një lokal në zonën turistike të Skelës.
Sipas raportimeve, kamarieri i një prej hoteleve në zonë, është sulmuar fizikisht në prani të punonjësve të tjerë dhe klientëve.
Kamerat e sigurisë të lokalit kanë filmuar të gjithë ngjarjen e rëndë, ku dhe është bërë i mundur identifikimi i personit, Adrian Isufi ish-shef i qarkullimit rrugor në Vlorë.
Ndërkaq, 18-vjeçari u shpreh për mediet se u dhunua dhe ofendua thjesht për një shishe uji tepër në tavolinë.
Pas kësaj ngjarjeje, ishte pronari i restorantit, i cili u hakmorr dhe goditi Isufin. Ky i fundit u pezullua nga detyra menjëherë pas raportimit të situatës.
