Ministrja e Drejtësisë së Kosovës, Albulena Haxhiu ka shkuar te dyqani ku ka kishte blerë një varëse dhe ka treguar çmimin e saj. Ajo tha se varësja vlente vetëm 25 euro nga 9 mijë euro që ishte akuzuar në media se e kishte blerë.
Ishte raportuar në mediat e Kosovës çmimi prej 9 mijë euro i varëses çka revoltoi ministren.
“Jo 9 mijë por 25 euro kushton”, tha Albulena Haxhiu.
Ministrja qartësoi opinionin publik dhe u bëri thirrje mediave që kanë raportuar një lajm të tillë ta përgënjeshtrojnë lajmin ose do të përballen me të në proces gjyqësor.
/Liberale.al/
