Melloul Fatah, 27 vjeç, është vrasësi i dyshuar i të riut shqiptar që vdiq mbrëmë në Sirolo teksa u qëllua me shtizë. Ai nuk e kishte kuptuar që e kishte vrarë apo edhe që shtiza e kishte shpuar të riun shqiptar.

27-vjeçari tashmë është i izoluar në burgun Montacuto në Ankona. Melloul ka folur me prokurorin Marco Pucilli i cili e mori në pyetje në kazermë gjatë natës, në Osimo, në prani të avokatit të tij Davide Mengarelli. Avokati e ka arritur rreth mesnatës, por intervista ka qenë shumë e shkurtër.

Algjeriani thotë se ishte i sigurt se nuk kishte gjuajtur me shtizë me armën e marrë nga makina që drejtonte, një Opel Astra e zezë e regjistruar te babai i të fejuarës së tij, me të cilën jeton në Jesi. Shtizën ai tha se e mori “për t’u mbrojtur” pasi pas debatit në rrugë.

Sipas rrëfimit të tij, ata ishin 23-vjeçari që humbi jetën, vëllai i tij dhe shoferi, një shok i tyre.

Treshja dyshohet se e kanë sulmuar me shqelma dhe grushta, duke i shkaktuar të nxira në shpinë dhe në kokë. Në përleshje, sërish sipas versionit të tij, plagosja e shqiptarit për vdekje do të ishte krejtësisht aksidentale. As e fejuara e tij, e cila ishte me të, nuk do ta kishte vënë re plagën vdekjeprurëse. Autopsia e trupit të 23-vjeçarit shqiptar Kajdi Bitri është caktuar për nesër. Të mërkurën do të jetë dalja para gjyqtarit.

Një raport balistik është parashikuar edhe si një akt i njëhershëm për fuzhnjën e sekuestruar. “Klienti im është shumë i sprovuar nga historia – tha avokati i tij. – “Nuk ka menduar për të vrarë dikë dhe nuk ka qenë kurrë në arrati”. Karabinierët e Osimo, të drejtuar nga komandanti Luigi Ciccarelli, dhe njësia hetimore po hetojnë rastin. Ditën e djeshme shumë karabinierë janë kthyer nga pushimet për të ndihmuar kolegët e tyre, në hetim.

/Liberale.al/