Nje aksident gjatë punës ka shkaktuar plagosjen një 56-vjeçari në pusin e naftës në Kocul të Vlorës, e për pak sa nuk është kthyer në tragjedi.
Pas incidentit te ndodhur ditën e djeshme (27 maj), specialistët për Hetimin e Krimeve të Stacionit të Policisë Selenicë, nisën menjëherë hetimet me shoqërimin e personave, marrjen në pyetje dhe referimin e rastit në organin e akuzës për përgjegjësin e firmës mirëmbajtëse të pusit.
“Referuam materialet në Prokurori, ku nisi procedimi në gjendje të lirë për veprën penale “shkelja e rregullave të mbrojtjes në punë”, për A. C., 56 vjeç, me detyrë përgjegjës në firmën e mirëmbajtjes së pusit të naftës në fshatin Kocul, pasi është dëmtuar në dorë gjatë punës, G. M., 56 vjeç, banues në Vlorë”, njoftoi policia vendore.
