Kryeministri Edi Rama zhvilloi ditën e sotme një takim me qytetarët në Shkodër, në kuadër të fushatës elektorale për zgjedhjet e 11 majit.
Ky takim kishte në fokus paraqitjen e bilancit të investimeve 10-vjeçare të qeverisë në këtë qytet verior.
Ashtu si në shumë takime të tjera elektorale, edhe këtë herë nuk mungoi një moment i veçantë. Kryeministri u ndal për të përshëndetur aktoren e njohur shkodrane Zyliha Miloti, e cila ndodhej në sallë.
“Këtu kam një shënim që thot: ‘Ke Zyliha Milotin, mos harro ta shohësh’. Të përshëndes dhe të falenderoj shumë”, tha Rama, duke marrë duartrokitje nga të pranishmit.
Takimi në Shkodër është pjesë e turit elektoral që Rama dhe Partia Socialiste po zhvillojnë në mbarë vendin, në prag të zgjedhjeve të përgjithshme që do të mbahen më 11 maj.
