Policia e Fierit ka arrestuar dy persona të cilët akuzohen për shitje të lëndëve narkotike.
Gjithashtu nën hetim janë vënë katër shtetas, blerës të dozave të lëndëve narkotike.
Në kuadër të operacionit “Price” janë sekuetsruar 508 gramë Kokainë dhe qindra doza Cannabisi, me vlerë në treg rreth 90 000 euro.
Gjithashtu janë sekuestruar pajisje për ndarjen e lëndëve narkotike në doza, 8 celularë dhe 2 automjete.
Gjatë operacionit në pranga ranë shtetasit E. M., 28 vjeç, dhe R. N., 30 vjeç. Gjithashtu, nisi procedimi në gjendje të lirë për shtetasit K. T., 30 vjeç dhe V. K., 19 vjeç, si dhe për 2 shtetas të moshave 16 dhe 17 vjeç.
28-vjeçari u kap në flagrancë duke i shitur në banesën e tij, doza Kokaine dhe Cannabisi, shtetasit R. N. dhe 4 shtetasve të proceduar, të cilët shoqëronin 30-vjeçarin./vizionplus.tv
