Kryeministri Edi Rama, përmes një video në rrjete sociale, ka publikuar itinerarin që një tren do të ndjekë në hekurudhën Durrës-Prishtinë.
“Hekurudha Kuq e Zi tashmë merr udhë” shkruan Rama, ndërsa i ka shoqëruar pamjet me flamujt të Shqipërisë dhe Kosovës.
Dhe sipas videos së publikuar nga kryeministri, itinerarin nga stacioni i Shkodrës do jetë i tillë:
“Stacioni i Shkodrës – Stacioni Prekal – Ndalesa në Koman – Stacioni i Tropojës – kalimi i kufirit në Kosovë – Stacioni i Gjakovës – Stacioni i Prishtinës“.
Ndërkaq, një ditë më parë, zëvendëskryeministrja, Belinda Balluku prezantoi studimet e kësaj hekurudhe, duke u shprehur se kjo linjë e kthen kombin shqiptar në një pol për ekonominë dhe ndërlidhjen evropiane.
Ajo shpjegoi se hekurudha do të ndërlidhet me korridorin VIII, korridorin X dhe korridorin adriatiko-jonian.
