Një ngjarje e rëndë ka ndodhur sot në Kolonjë, ku një banesë është përfshirë nga flakët.
Mësohet se ngjarja ka ndodhur në fshatin Sanjollas, në një banesë ku jetonte i vetëm një 80-vjeçar.
Ky i fundit është nxjerrë nga zjarrfikësit dhe u dërgua në spital pasi ka pësuar djegie në trup.
Nuk dihet ende shkaku i nisjes së zjarrit, teksa flakët u përhapën duke përfshirë të gjithë banesën për shkak të erës. Policia ndodhet në vendngjarje për zbardhjen e rrethanave ndërsa ekspertët do të përcaktojnë shkakun e rënies së zjarrit.
