Kosova

Policia e Kosovës shpall në kërkim Enver Sekiraqën, ai u dënua me 25 vjet burg për vrasjen e policit

Shkruar nga Liberale

Policia e Kosovës shpall në kërkim Enver Sekiraqën, ai u

Policia e Kosovës ka shpallur në kërkim Enver Sekiraqën.

Arratisja e Sekiraqës ishte konfirmuar të shtunën e javës së kaluar nga Policia e Kosovës.


Ndërkohë avokati i Sekiraqës, Besnik Berisha, ka thënë se klienti i tij ndodhet në një spital jashtë Kosovës. Sekiraqa akuzohet për vrasjen e policit Triumf Riza.


Ai është dënuar me 25 vjet heqje lirie nga shkalla e parë, por ishte lënë në arrest shtëpie, në pritje të përfundimit të gjykimit nga Gjykata e Apelit. Në momentin që kjo e fundit kishte vendosur dërgimin e tij në qeli, ai është larguar nga banesa, duke humbur gjurmët, edhe pse mbahej nën mbikqyrje.



Njoftimi i plotë:

Kërkesë për bashkëpunim


Policia e Kosovës, Drejtoria për Hetimin e Krimit të Organizuar dhe Krimeve të Renda, bazuar në ligj për publikimin e fotos me shënime tjera të personit të kërkuar më autorizimin e Gjykatës Themelore ne Prishtinë, me qëllim lokalizimin dhe rrjedhimisht arrestimin e tij, lëshon:


Kërkesë për bashkëpunim me qytetarët.


Personi i kërkuar është:


– Enver (Hamit) Sekiraqa i lindur me 18.11.1973 me adrese banimi rruga ”Gryka e Llapushnikut” numer 7 në Prishtinë.

I dënuar për veprën penale” shtytje në kryerjen e vrasjes së rendë të parashikuar nga neni 147, par 3 dhe 9 lidhur me nenin 24 të KPK-së.

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor ose nga telefonia fikse dhe mobile: 192 ose 038 550 999, të gjitha thirrjet në numrin 080019999 janë anonime, pa pagesë dhe konfidenciale.

Ju mund të dërgoni informatat e juaja edhe në adresën elektronike [email protected]

Liberale Newsroom

Poll
SHQIPENGLISH