Në vazhdim të procesit të numërimit të votave për zgjedhjet parlamentare të 11 majit 2025, janë bërë publike rezultatet paraprake për kandidatët në listat e hapura në disa qarqe të Shqipërisë. Partia Socialiste (PS) vazhdon të kryesojë në nivel kombëtar, ndërsa janë evidentuar disa surpriza në disa qarqe.

Tirana:
Në qarkun e Tiranës, Blendi Gonxhja nga PS është kandidati më i votuar deri tani, me 5,080 vota. Ai ndiqet nga Fatmir Xhafaj dhe Erion Braçe. Nga ana tjetër, në listën e hapur të PD-ASHM, Ilir Alimehmeti është kandidati më i votuar me 1,115 vota, i ndjekur nga Jorida Tabaku. Në parti të tjera, Xhulio Zela është më i votuari te PSD, Adriatik Lapaj te "Shqipëria Bëhet", Edison Abazi te "Partia Mundësi", Eduard Kelmendi te KEA, ndërsa Lulzim Basha ka marrë vetëm 45 vota deri tani.

Kukës:
Në qarkun e Kukësit, një surprizë është evidentuar: Aristogena Poga, kandidate e PS-së, është më e votuara deri tani. Nga ana tjetër, Elvira Peka është kandidati më i votuar nga PD. Ky rezultat tregon një mbështetje të fortë për kandidatin e PS-së në këtë qark.

Qarku i Shkodrës:
Në Shkodër, Frrok Gjini është kandidati më i votuar nga PS, ndërsa Lodovik Hasani është më i votuari nga PD.

Qarku i Gjirokastrës:
Në Gjirokastër, Tërmet Peçi është më i votuari nga PS, ndërsa Mariklen Dervishi është më i votuari nga PD.