Autobusi i ekipit të Skënderbeut, i volejbollit të vajzave, është përfshirë në një aksident rrugor.
Aksidenti ndodhi në afërsi të Prrenjasit, ku në aksident u përfshinë disa automjete.
Si pasojë e aksidentit disa persona kanë mbetur të lënduar dhe janë transportuar me urgjencë drejt spitalit për ndihmë mjekësore.
Shkak i aksidentit dyshohet se është parakalimi i gabuar dhe lagështia në rrugë. Ekipi i Skënderbeut në volejboll për femra po udhëtonte drejt Tiranës për të luajtur sot ndeshjen e dytë finale.
Autobusi është përplasur dhe ka përfunduar buzë kanalit, ndërkohë që vajzat e ekipit që kanë qenë përpara kanë pësuar dëmtime dhe disa janë traumatizuar.
Raportohet se vetëm dy-tre vajza kanë pësuar dëmtime të vogla por pa probleme për jetën.
Si pasojë e aksidentit ndeshja e parashikuar me Tiranën, është anuluar.
