Randal Kolo Muani nuk po kalon një sezon të jashtëzakonshëm për sa i përket golave, por ai duket se ka gjetur qetësinë dhe hapësirën që kishte nevojë te Juventusi. Sulmuesi francez u bashkua me ekipin nga PSG në formë huazimi gjatë merkatos së janarit dhe tani po përfiton nga minutat që po merr në Serinë A.
Pas ndeshjes kundër Lacios, që përfundoi 1-1, Kolo Muani foli për gazetarët dhe tregoi se është i kënaqur me mënyrën se si po ndihet te Juventusi. Ai tha: “Jam shumë i lumtur për mikpritjen që kam marrë këtu në Torino. Kjo skuadër është si një familje për mua”.
Edhe pse është vetëm i huazuar, fjalët e tij lënë të kuptohet se ai është i hapur të qëndrojë edhe pas këtij sezoni.
