Ajola Xoxa ka mbërritur sot në Apelin e GJKKO-së ku do të shqyrtohet kërkesa e saj për heqjen e sekuestros ndaj llogarive bankare.
Vendimi ishte planifikuar të shpallej dje, por avokati i Xoxës kërkoi më shumë kohë për t’u njohur me aktet hetimore, duke bërë që procedura të shtyhet.
Xoxa, bashkëshortja e kryebashkiakut të Tiranës, Erion Veliaj, është nën masën e detyrimit të paraqitjes. Ndërkohë, bashkëshorti i saj ndodhet prej një muaji në paraburgim dhe kërkon të lirohet nga qelia duke ofruar garanci pasurore. Seanca për Veliajn është planifikuar për mesditën e sotme.
