Kryesore

Nga çaji me Erdogan, tek darka me Micotaqis

               Publikuar në : 09:21 - 16/09/20 liberale

Kryeministri në një lojë diplomatike mes dy shteteve më të fuqishme se ne dhe në përplasje të hapur me njëri-tjetrin për ujërat detare. Dallimi mes dy takimeve e bën vet Rama, kur cilëson Erdogan mikun e tij të çmuar, ndërsa mediat greke flasin për veto të Mitcotqis pas provokimit me presidentin turk.

Kryeministri Edi Rama u takua dje në mbrëmje në Athinë me homologun e tij grek Kyriakos Mitsotakis, me të cilin pati një darkë pune, ndërsa një ditë më parë ishte në një takim me Presidentin turk, Erdogan, vendi i të cilit është përfshirë në një përplasje të hapur me Greqinë, pikërisht për ujërat detare që dy vendet ndajnë me njëri tjetrin.

Në darkën e djeshme në Athinë, burime nga të dy palët thanë se u prekën të gjitha çështjet e mbetura pezull mes Shqipërisë dhe Greqisë, nga marrëveshja për kufirin detar, tek të drejtat e shtetasve shqiptarë në Greqi. Detajet de konkluzionet e takimit priten të bëhen publike nesër përsa lejon konfidencialiteti i bisedime mes dy kryeministrave. Por e sigurt është se tema kryesore do të jetë ajo për ndarjen e sipërfaqeve detare mes dy vendeve, pasi negociatat Bushati-Kotcias u ndërprenë pas ardhjes në fuqi të konservatorëve grekë më 2019.  Darka e djeshme vjen në një moment kur Greqia ka deklaruar se synon të zgjerojë ujërat e saj territoriale në detin Jon deri në 12 milje.

Të hënën Rama lajmëroi takimin me Presidentin turk, duke shkruar në rrjetet sociale se kanë biseduar për marrëdhëniet mes dy vendeve dhe çështje të tjera. “Me Presidentin e Turqisë, mikun e çmuar Recep Tayyip Erdogan, në një nga bisedat gjatë qëndrimit në rezidencën e tij verore në Marmaris, folëm gjerësisht për marrëdhëniet mes Shqipërisë e Turqisë, sfidën e kohës për fuqizimin e ekonomisë në kushtet e përballjes me COVID-19, ecurinë e bashkëpunimit dypalësh, si edhe situatën në rajonin e Ballkanit Perëndimor”, shkroi Rama.

Pakkush mendon se takimi i djeshëm i kryeministrit shqiptar e presidentin turk një ditë para vizitës në Athinë ka qenë një rastësi. Madje ai mund të merret si shenjë se axhenda mes Shqipërisë dhe Greqisë kalon në revistë apo konsultë nga Turqia, e cila ka një konflikt të hapur me fqinjët grekë po për ndarjen e zonave ekskluzive ekonomike në ujerat detare. Fuqia e Turqisë dhe mbështetja e tij për Ramën, sigurisht që ka ndikuar bisedën mes tij dhe Mitcotaqis. Ajo që po përpiqet që të bëjë kryeministri shqiptar duket se ka të bëjë me lojën e dualitetit mes dy shteteve më të fuqishme se ne për të pasur një pikë mbështetëse presioni. Por jo gjithmonë kjo lojë diplomatike e njohur ka funksionuar dhe nuk dihet sa ajo do të funksionojë edhe këtë herë.

Forumi

Rama ndodhet në kryeqytetin grek për të marrë pjesë në konferencën e përvitshme të organizuar nga Qeveria greke dhe revista The Economist.

Vendimi i saj rihapi debatet e vjetra mbi një marrëveshje mes Greqisë dhe Shqipërisë për përcaktimin e kufijve detarë dhe zonave ekonomike ekskluzive. Kryeministri Rama foli për një të drejtë që Greqisë i njihet nga Konventat ndërkombëtare, duke saktësuar se ajo nuk ka lidhje me përcaktimin e kufirit detar mes dy vendeve.

Pas rrëzimit nga ana e Gjykatës Kushtetuese të marrëveshjes së firmosur në vitin 2009, Tirana dhe Athina, rinisën bisedimet dy vjet më parë, si pjesë e një pakete çështjesh të mbetura pezull mes dy vendeve. Kryeministri Rama ka deklaruar se bisedimet për çështjen e detit janë ndërprerë, pas ardhjes në pushtet të qeverisë së kryeministrit Mitsotakis. Një gjë të tillë e konfirmoi pak ditë më parë dhe vetë kreu i qeverisë greke, ndërsa njoftoi se çështja e detit do ishte  temë e bisedimeve të mbrëmjes së djeshme me homologun shqiptar.

Dule

I pyetur dje për takimin mes Micotaqis dhe Ramës,  Kreu i PBDNJ, Vangjel Dule, i cili ka qenë mbështetës i marrëveshjes detare të 2009, tha se me marrëdhënie konstruktive kalohet çdo problem i ngritur mes dy vendeve.

Dule vlerësoi takimin duke shtuar se dy shtet kanë më shumë gjëra që i bashkojnë sesa i ndajnë. “Takimi i mbrëmjes së sotme urojmë të jetë konstruktive dhe se marrëdhëniet e mira mes dy vendeve kanë rëndësi jo vetëm për dy popujt tanë por për të gjithë rajonin në tërësi. Marrëdhënien konstruktive Greqi -Shqipëri sjellin prosperitet dhe siguri në Ballkanin Perëndimor. Të gjitha pengesat artificiale që kjo mazhorancë ka krijuar në marrëdhëniet me Greqinë duhet të trajtohen me konstruktivitet, nuk ka probleme të pazgjidhshme”, tha Dule.

Ministri turk: Çmenduria juaj me ishullin 2 km nga Turqia

Ministri i Jashtëm turk Mevlüt Çavuşolulu i ka dërguar mesazhe palës greke.

“Preferenca jonë për Mesdheun Lindor është diplomaci e pakushtëzuar,” tha ministri i jashtëm turk në një artikull për Kathimerini, duke vërejtur se përpjekjet për të përjashtuar një vend si Turqia me vijën më të madhe bregdetare në rajon, një popullsi në rritje ishin joreale, transmeton abcneës.al.

“Hyrja e Turqisë në detet e hapura dhe zonat e saj detare nuk mund të ndërpritet duke pretenduar 40,000 kilometra katrorë të shelfit kontinental për një ishull të vogël si Meis ose Kastelorizo ​​i cili është vetëm 2 kilometra larg Turqisë dhe 580 kilometra nga territori grek. Asnjë ligj ose kuptim i ligjit nuk do të lejonte një argument të kundërt,” shkruan ai.

Ministri i Jashtëm turk shtoi se ai pret që Greqia të rinovojë të gjitha kanalet e dialogut me Turqinë pa asnjë kusht, duke theksuar se kushtet krijojnë kundër-kushte të tjera.

Në fakt, kreu i diplomacisë turke sulmoi Francën, duke vërejtur se “kohët e fundit qeveri si ajo në Francë po tregojnë një mall të pamatur për të kaluarën e tyre koloniale”.

“Modeli i pranimit të sjelljes së zotërve metropolitanë që imponojnë vullnetin e tyre në rajon ka mbaruar,” shton Tsavousoglou, shkruan abcneës.al.

Ajo që ne bëjmë sot do të përcaktojë jo vetëm të tashmen, por edhe nesër dhe ju e dini shumë mirë se Turqia mund të ndjekë Greqinë në çdo rrugë që ajo zgjedh. Zgjedhja nuk i përket në të vërtetë Turqisë ose Francës, ose kujtdo tjetër mbi këtë çështje, por udhëheqësve të respektuar dhe popullit të Greqisë,” përfundoi Ministri i Jashtëm turk

Zgjerimi i Greqisë në detin Jon

Rama: Është një absurd i madh! Deti aty është

“Është një absurd i madh! Deti aty është.”, ky është reagim i kryeministrit Edi Rama në emisionin “Open” në Top Channel lidhur me zgjerimin e Greqisë me 12 milje në detin Jon.

Sipas Ramës nuk ka asnjë lloj marrëveshje me Greqinë për detin, ndërsa për sa i përket zgjerimit, sipas Ramës është një e drejtë e shteteve sipas Konventës së Detit.

“O ka marrëveshje o ka 12 milje. Kjo është pjesë e konventës që i jep të drejtën çdo shteti të zgjerohet 12 milje në ujërat territoriale aty ku është e mundur. Ndërsa ku nuk është e mundur bëhen marrëveshje. Nëse Greqia do të zgjerohej, në raport me Shqipërinë nëse do zgjerohej kështu, do ta kishte bërë me kohë dhe s’kishte nevojë të bënte marrëveshje këtu me ne. Është e thjeshtë. Kryeministri i Greqisë ka qenë korrekt, ka përmendur një të drejtë të shtetit të tij që nuk i ka ujërat vetëm me Shqipërinë. Joni nuk mbaron në Konispol. Ka folur në kuvendin e Greqisë, dhe ka kërkuar miratimin e dy miratimeve me Egjiptin dhe Italinë. Ky është një absurditet i madh. Kjo marrëveshje vjen në qeveria në parlament në Presidencë. Kjo nuk është si kamion që kalonte në doganë kur ishte ai që ka dal të mbrojë detin. Nuk e di si ta shpjegoj se nuk ka mundësi reale. Se nuk ka si të jesh kryeministër e të shesësh detin. Veç po të jesh kaq i paaftë që e firmosë, Ilir, Saliu dhe Luli, Monika vetëm skuq peshk. Pasi bënë një marrëveshje që ra nga Gjykata Kushtetuese kanë dalë të mbrojnë detin. Po atje ne çuam një marrëveshje të firmosur dhe të vulosur. Këtu synohet të kapen tru- peshqit”, tha Rama.

“Një marrëveshje akute. Nuk realizohet dot kjo marrëveshje se s’ke ku e çon. Marrëveshja që u rrëzua nga kushtetuesja nuk ka qen transparente. Negociatën e bën një grup negociator dhe referohet në pika funksionale dhe bihet dakord. Por bëhet transparente që më pas bie në dorë të medias dhe në dorë të ekspertëve. Dokumentet nuk ishin sekrete. Për një fjali të kryeministrit të Greqisë ngrihet një tym i madh. Ndërsa për një marrëveshje të tërë nuk u mor vesh fare. Si mund të ndash territore?”

 

Tags: , , ,

KOMENTO (0)

Shkruaj nje koment

Your email address will not be published. Required fields are marked *

* *

Back