Në një ngjarje të organizuar nga Federata Shqiptare e Futbollit, u hodh shorti për fazën gjysmëfinale të “Final Four” për vajza, që do të përcaktojë kampionen e sezonit 2024-2025 në Kategorinë Superiore për femra. Ceremonia u zhvillua në ambientet e “Shtëpisë së Futbollit” dhe ishte e hapur për mediat dhe përfaqësuesit e katër klubeve pjesëmarrëse.
Nga shorti u përcaktuan dy përballje gjysmëfinale:
- Vllaznia vs Partizani
- Gramshi vs ApoloniaNdeshjet e para do të zhvillohen më 3 maj, ndërsa ato të kthimit më 7 maj. Finalja e madhe është programuar për më 11 maj dhe do të zhvillohet në “Shtëpinë e Futbollit”.
Skuadra fituese do të përfaqësojë Shqipërinë në raundin para-eliminator të UEFA Women’s Champions League, ndërsa ekipi që do të renditet i dyti do të marrë pjesë në raundin para-eliminator të UEFA Women’s Europa Cup, që do të zhvillohet për herë të parë në histori nga sezoni i ri.
