Ambasadorja e SHBA-ve në Tiranë, Yuri Kim deklaroi sot në Kongresin e Arsimit se arsimimi do të jetë kyç, se sa shpejt do të lëvizni dhe sa shumë përparim do të bëni në rrugën e anëtarësimit të Bashkimin Europian.
“Shqipëria është në një pikë kritike. 31 vite më parë askush nuk e kishte paramenduar që sot Shqipëria të ishte anëtare e NATO-s dhe ju uleni me SHBA-të, Britaninë, Francën, Kinën në Këshillin e OKB-së duke diskutuar për çështjet më të rëndësishme në botë dhe një muaj më parë hapët zyrtarisht negociatat për anëtarësim në BE për të marrë vendin tuaj të drejtë. Arsimimi do të jetë kyç se sa shpejt do të lëvizni dhe sa shumë përparim do të bëni. Mbështetja jonë është e rëndësishme për ne gjithashtu sepse politika jonë që ne duam t’ju shohim plotësisht te integruar në BE”, u shpreh ambasadorja.
Sakaq, kryeministri Edi Rama tha se duhen gjetur mënyra, që forcojnë pozicionin e gjuhës në kaosin gjuhësor dhe komunikativ. /Liberale.al
