Është prangosur një mjek në Rrëshen pasi i mori 100 euro një qytetari për të kryer një shërbim.
Mjeku ligjor mori shumën e parave për të kryer një akt ekspertimi. Arrestimi i tij u bë pas kallëzimit në polici nga qytetari 55-vjeçar.
Në këmbim të shërbimit për një çështje të tij, mjeku ligjor kërkoi paratë, në kundërshtim me ligjin.
63-vjeçari u arrestua në flagrancë për veprën penale "Korrupsioni pasiv i personave që ushtrojnë funksione publike".
Gjithashtu, në vijim të veprimeve procedurale për këtë rast u sekuestrua si provë materiale, shuma 100 euro që 63-vjeçari i mori qytetarit në kundërshtim me ligjin. Materialet procedurale i kaluan Prokurorisë
